![](https://static.sports.uz/crop/837140d43f75ff76a3eccf23cb3bb63b.jpg)
Спорт курашлари. Осиё чемпионатининг иккинчи куни ҳам Ўзбекистон терма жамоаси учун муваффақиятли ўтди
Иорданияда ўтаётган спорт курашлари бўйича U17 ёш тоифасидаги Осиё чемпионатининг иккинчи куни ҳам Ўзбекистон терма жамоаси учун муваффақиятли якунланди. Ўзбекистон Миллий Олимпия қўмитаси матбуот хизматининг хабар беришича, юнон-рум ва аёллар кураши бўйича бир қатор вазн тоифаларида кечган беллашувларда юртдошларимиз 3 та олтин ва 2 та бронза медалларига сазовор бўлишди.
Ғолиб ва совриндор бўлган спортчиларимиз:
Олтин медаль:
-65 кг: Фаёзбек Эшмирзаев
-71 кг: Беҳрузбек Валиев
-40 кг: Шоҳиста Шоназарова
Бронза медаль:
-80 кг: Шоҳжаҳон Шавкатов
-46 кг: Меҳрибону Худойназарова
Аҳамиятлиси, чемпионатда гиламга чиққан барча “классик” курашчиларимиз юртимизга медаль билан қайтиб келадиган бўлди. Муросасиз баҳслар давомида улар 5 та олтин, 3 та кумуш ва 2 та бронза медалларига сазовор бўлган ҳолда умумжамоа ҳисобида фахрли биринчи ўринни ҳам эгаллашди.
Фикрлар