Sportchilarimiz Xitoydagi jahon chempionatida qatnashadi

Yosh qilichbozlarimiz jahon chempionatida qatnashadi.

7-15 aprel kunlari Xitoyning Usi shahrida qilichbozlik bo‘yicha o‘smirlar va yoshlar o‘rtasidagi jahon chempionati bo‘lib o‘tadi. Dunyoning eng kuchli yosh qilichbozlari jam bo‘ladigan mazkur musobaqada O‘zbekiston terma jamoasi a’zolari ham ishtirok etishadi.

Hozirda jahon chempionatining dastlabki kunlarida bellashadigan sportchilarimiz Usiga etib borishgan va musobaqa oldidan so‘nggi mashg‘ulotlarni olib borishmoqda. Mamlakat qilichbozlik federatsiyasining ma’lum qilishicha, dunyo birinchiligida Gulistan Perdibaeva, Dilnaz Murzataeva, Fernanda Errera, Islombek Abdazov, Musa Aymuratov kabi 22 nafar hamyurtimiz medallar uchun kurash olib boradi.