Старриж 13 та клубдан таклиф олди

"Ливерпуль" клуби ва Англия терма жамоаси собиқ ҳужумчиси Даниэль Старриж 13та турли жамоалардан таклифлар олди. Бу ҳақда The Telegraph нашри хабар тарқатмоқда.

Юқоридаги манбаага кўра айни дамда эркин агент ҳисобланган 29 ёшли футболчига Европа, АҚШ ва Ўрта Шарқ клубларидан жиддий қизиқишлар бўлмоқда. "Бетис", "Болонья", "Марсель", "Бешиктош" ва "Атланта Юнайтед" клублари шулар жумласидандир.

Маълумот учун, Старриж ўтган мавсум “Ливерпуль” сафида жами 18та ўйинда майдонга тушди ва ўз ҳисобига 2та гол ҳамда 1та голли узатма ёздириб қўйишга эришди.