Sulsher: Fergyuson - barcha davrlarning eng zo‘r murabbiyi

“Manchester Yunayted” klubi bosh murabbiyi Ule Gunnar Sulsher jamoaning afsonaviy ustozi Aleks Fergyuson haqida gapirib o‘tdi.

“Fergyuson qilgan ishlar uchun hamisha uni hurmat qilib kelganman. Ser Aleks – barcha davrlarning eng zo‘r murabbiyi. Men uning qo‘l ostida futbol o‘ynadim, keyinchalik esa murabbiylar shtabida yordam berdim”, - deydi norvegiyalik mutaxassis klub matbuot xizmatiga bergan intervyusida.

Ma’lumot uchun, Fergyuson “Manchester Yunayted”ni 1986-2013 yillarda boshqardi. Mankuanliklar uning qo‘l ostida jami 38 ta sovrin qo‘lga kiritishdi. Jumladan, 2 marta Chempionlar ligasida va 13 marta Angliya premer-ligasida zafar quchdi.