"Сурхон"нинг собиқ устози "Локомотив"га қайтди

Ёшлар футболчи бўйича юртимизнинг кўзга кўринган мутахассисларилан бири Руфат Акрамхўжаев яна “Локомотив”да иш бошлади.

Ушбу мутахассис “Локомотив” клубида таҳлилчи-селекционер мураббий сифатида ишлайди ва асосий жамоанинг аналитик ишларини олиб боради.

Эслатиб ўтамиз, Руфат Акрамхўжаев бошчилигида 2019 йил ўринбосарлар жамоамиз U-21 биринчилигида чемпионликка эришган бўлса, ўтган мавсумда U-18 жамоамиз ўз биринчилигида 3-ўринни қўлга киритди, - дея хабар бермоқда, “Локомотив” матбуот хизмати.

Шуни қўшимча қилиш керакки, Акрамхўжаев бунгача Термизнинг “Сурхон” клубида бош мураббий лавозимида меҳнат қилди. Кейинчалик оилавий сабабларга кўра жамоани тарк этди.