Tarixdagi eng yoshi katta futbolchi jamoasi bilan shartnomasini uzaytirdi

Yaponiyaning "Yokogama" klubi hujumchisi Kadzuyosi Miura yana bir mavsum to‘p surishga qaror qildi.

Klub rasmiy sayti tarqatgan xabarga ko‘ra Miura jamoasi bilan amaldagi shartnomasini yana 1  yilga uzaytirgan. Yangi mavsum uning professional faoliyatidagi 35-mavsum bo‘ladi. E’tiborlisi, bu jahon futboli tarixidagi mutlaq rekord hisoblanadi.

Ma’lumot uchun, Miura professional futbolda 1986 yilda debyut qilgan. U “Yokogama” safida 2005 yildan buyon to‘p surib kelmoqda.