Tasdiqlandi. Kazemiro “Manchester Yunayted”ga o‘tmoqda

"Real" bosh murabbiyi Karlo Anchelotti Kazemironing "Manchester Yunayted"ga o‘tish haqidagi qarorini tasdiqladi.

“Men Kazemiro bilan gaplashdim. U yangi chaqiruvlarni istamoqda. Biz uning qarorini tushunamiz.

Ayni paytda muzokaralar davom etmoqda. Shuni aytishim mumkinki, u “Real”ni tark etishga qaror qildi”, — dedi Anchelotti matbuot anjumanida.

Oldinroq “Manchester Yunayted” 30 yoshli braziliyalik bilan shartnoma shartlarini kelishib olgani haqida xabar berilgandi. Ma’lumotlarga ko‘r, inglizlar futbolchi uchun “Real”ga 70 million evro atrofida to‘laydi.