Tennis yulduzi: Biz ham Messining tirigini ko‘raylik!

Britaniyalik tennis yulduzi Endi Marrey jurnalistlar muloqotda Lionel Messining “Barselona”dan ketishi haqidagi xabarlarga munosabat bildirdi.

- Men Messini premer-ligada o‘ynashini istayman. Qaysi klubni tanlashining menga farqi yo‘q. O‘zim “Arsenal”ga muxlislik qilaman. Lekin bu jamoa Messini o‘z safiga qo‘sha olmasligi aniq. Messi Angliyaga ko‘chib kelsa, zo‘r bo‘lardi. Afsonaviy futbolchining tirigini tez-tez ko‘rishga imkoniyat tug‘ilardi, - dedi Endi Marrey.

Messiga Manchester shahrining ikki grand klubi jiddiy da’vogarlik qilmoqda.