Терма жамоа ўйинчисини икки гранд талашяпти

Англия Премьер-лигасининг икки гранди – “Челси” ва “Манчестер Юнайтед” Германия терма жамоаси ва “РБ Лейпциг” клубининг 19 ёшли ярим ҳимоячиси Ассан Уэдрагога қизиқиш билдирмоқда. Бу ҳақда Sky Sports хабар берди.

Манба маълумотига кўра, футболчининг шартномасида муддатидан олдин бекор қилиш банди йўқ. “Буқалар” Уэдрагони келаси ёзда фақатгина фойдали таклиф бўлган тақдирда сотишга тайёр бўлади.

Жорий мавсумда “РБ Лейпциг” ярим ҳимоячиси барча мусобақаларда 12 та ўйинда иштирок этиб, учта гол ва тўртта голли узатма қайд этди.

Ўйинчининг клуб билан амалдаги меҳнат шартномаси 2029 йилнинг ёзигача мўлжалланган. Transfermarkt порталида келтирилган маълумотларга кўра, футболчининг бозор қиймати 10 миллион еврони ташкил этади.

Уэдраго 17 ноябрь куни 2026 йилги жаҳон чемпионати саралаш турнирида Словакияга қарши учрашувда (6:0) Германия терма жамоаси сафида дебют қилди.