Тезкор! Дибала “Рома” ҳақида нима деди?

“Ювентус”ни тарк этган аргентиналик юлдуз Пауло Дибала яқин соатлар ичида “РОма” билан шартнома имзолайди.

Жозе Моуриньо бу футболчини Рим клубига кўчиб ўтишга кўндирганидан кейин Дибала Португалияга келиб, “Рома” учун тиббий кўрикдан ўтди.

Пауло Дибалани тиббиёт муассасасидан чиқишда журналистлар кутиб олди. Аргентиналик футболчи уларга интервью бермади ва янги жамоаси ҳақидаги фикрини бир оғиз гап билан таърифлади.

- “Рома” жуда зўр жамоа, - деди Пауло Дибала.

Янги мавсумда Жозе Моуриньо ва "Рома" футболчилари олдига Чемпионлар лигасига чиқиш, Италия кубоги ва Европа лигасида ғолиб чиқиш вазифаси қўйилган.