Том Аспиналл ўзи учун идеал рақибни айтди

UFCнинг оғир вазн тоифасидаги британиялик вакили Том Аспиналл(13-3) россиялик Сергей Павлович (18-1) билан жанг қилишни хоҳламоқда. 

"Навбатдаги жангим Павлович билан бўлади, деб ўйлайман. У билан жанг қилишим идеал ҳолат бўларди. Айни дамда оғир вазндаги энг ёрқин жанг, деб айта оламан.

Статистика бўйича, ўртача олиб қараганда UFCда энг қисқа жанглар меники, кейин Сергей, ақлбовар қилмас даражада. Октагонда у билан учраштиринг - кўрамиз қанақа жанг бўлар экан. Бу ҳайратланарли бўлади", -деди Аспиналл.

Маълумот учун, Аспиналл сўнги жангини "UFC Fight Night 224" турнирида ўтказди ва у Марчин Тибурани 1-раундда техник нокаутга учратган эди.