Тошкентда мағлуб бўлган "Навбаҳор" кубок билан хайрлашди

Ўзбекистон кубоги 1/8 финал босқичи доирасидаги "Бунёдкор" - "Навбаҳор" учрашувида мезбонлар 1:0 ҳисобида ғалаба қозонди.

Баҳс тақдирини Фаррух Икромов томонидан киритилган ягона гол ҳал этиб берди.

Шу тариқа, "Бунёдкор" кейинги босқич йўлланмасига эга чиқди. Ярим финал учун уларга "Сурхон" қаршилик кўрсатади.

• 90+4'
  

  Учрашув якунланди. "Бунёдкор" минимал ҳисобдаги ғалаба эвазига чорак финалга чиқди!

• 90+2'
  

  Икромовга тиббий ёрдам кўрсатилмоқда.

• 90'
  

  Ўйиннинг асосий вақтига 4 дақиқа қўшиб берилди.

• 89'

  Хошимов олис масофадан ўз омадини синаб кўрди. Зарба кучсиз чиқди.

• 87'

  Сўнгги дақиқаларда "лочинлар" катта куч билан олдинга ўтмоқда. Бироқ аксарият ҳужумлар зарбага қадар етиб бормаяпти.

• 85'
  

  Боян Цигернинг зарбасидан сўнг Каримов жамоасини муқаррар голдан қутқариб қолди.

• 82'

  Икромовнинг жарима майдони ичидан йўллаган хавфли зарбаси тўсин юқорисидан ўтиб кетди.

• 80'

  Забиҳилло Ўринбоев жарима майдони ичида йиқилиб тушди. Ўйинни давом эттириш мумкин.

• 77'
  

  "Бунёдкор" сафида 3 ўзгариш: Даврон Эргашев, Иброҳим Томива ҳамда Миржаҳон Мираҳмадов ўрнига Азиз Пирмуҳаммадов, Муҳаммадодил Қаҳрамонов ва Шаҳбоз Эркинов ўйинга қўшилди.

• 75'
  

  Санжар Рашидов огоҳлантирилди.

• 72'

  Соловьев ҳамда Паншанбе ўзаро ажойиб комбинация уюштирди. Аммо сўнгги паллада ҳимоячилар хавфни бартараф этди.

• 70'
  

  Эхсони Паншанбе йўллаган зарбани Сарвар Каримов қайтариб юборди.

• 69'

  "Бунёдкор" жарима майдони яқинида стандарт вазият юзага келди. "Навбаҳор"да имконият.

• 67'
  

  Соловьевнинг зарбага айланиб кетган узатмасини дарвозабон қайтарди.

• 66'
  

  Умарали Раҳмоналиев Сухроб Иззатов ўрнига майдонга тушди.

• 65'

  Жалилов шогирдларининг аксарият ҳужумлари ноаниқ узатма сабабли эрта якунланмоқда.

• 63'
  

  Паншанбега нисбатан қоида бузган Одил Абдураҳмоновга сариқ карточка кўрсатилди.

• 62'
  

  Коста Гуттинер ўз ўрнини Илҳом Алижоновга бўшатиб берди.

• 61'

  Мирзоҳид Ғофуровнинг қанотдан берган паси анча муваффақиятсиз чиқди.

• 60'

  Жарима майдонига оширилган тўпни Ўринбоев куч билан дарвозага йўллади. Ноаниқ.

• 59'

  Соловьевнинг зарбасидан сўнг ҳимоячилар тўп йўлига блок қўйишга муваффақ бўлди.

• 58'
  

  Ғанихонов ва Аҳмедов ўрнига Ўринбоев ҳамда Паншанбе ўйинга қўшилди.

• 55'

  Икки рақибини ортда қолдирган Ғанихонов жарима майдони ичида йиқилиб тушди. Агишев ўйинни давом эттиришга рухсат берди.

• 52'

  Иван Соловьевнинг уринишидан сўнг тўп тўсин юқорисидан ўтиб кетди.

• 50'
  

  Азим Аҳмедовнинг зарбасидан кейин Каримов тўпни қайтарди.

• 48'

  Иккинчи 45 дақиқаликни "Навбаҳор" нисбатан фаолроқ ўтказмоқда. Улар тўпни бурчакдан ўйинга киритиш имкониятини қўлга киритди.

• 46'
  

  Бўлимлар оралиғида меҳмонларда ўзгариш: Қувондиқ Рўзиев ўрнига Аббосжон Ғуломов майдонга тушди.

• 46'
  

  Иккинчи тайм бошланди!

• 45+2'
  

  Танаффус!

• 45+1'
  

  Коста Гуттинер воқеалар ривожидан бироз илгарилаб кетди.

• 45'
  

  Биринчи таймга 1 дақиқа қўшиб берилди.

• 44'

  Ҳисобда ортда қола бошлаган меҳмонлар олдинга ўтишга шошилмаяпти. Тушунарсиз ҳолат.

• 42'
  

  ГОООООООООООООЛ! Мезбонлар ҳисобни очди!

  Фаррух Икромовнинг жарима майдони ичидан берган зарбасини дарвозабон қайтара олмади.

• 40'

  Тўпни тўхтатишда техник хатога йўл қўйган Ғанихонов тўп йўқотди.

• 38'

  Бош ҳакам Вадим Агишев кичик фолларга хуштак чалмаяпти ва футболчиларни охиригача курашишга чорламоқда.

• 36'
  

  Лутфулло Тўраев жароҳат боис ўйинни давом эттира олмайдиган бўлди. Унинг ўрнига Санжар Рашидов ўйинга қўшилди.

• 34'
  

  Тўраев ва Рўзиевга кичик тиббий ёрдам кўрсатилмоқда.

• 33'

  Беллашув наманганликларнинг устунлиги остида давом этяпти. "Қалдирғочлар" қарши ҳужумда.

• 31'

  Мираҳмадовнинг жарима майдони ташқарисидан берган зарбаси ҳимоячидан ўтмади.

• 29'

  Ғанихоновнинг узатмасидан кейин тўпга Соловьевдан олдин ҳимоячи етиб келди ва хавфни бартараф этди.

• 28'

  "Лочинлар" сўнгги дақиқаларда анча фаоллашиб қолди.

• 26'

  Қувондиқ Рўзиев майдондан четлатилиши мумкин эди. У Томивага нисбатан жиддий қўполлик ишлатди.

• 24'
  

  Соловьевнинг узатмасидан кейин ҳимоячилар тўпни узоқлаштирди.

• 22'
  

  Икромовнинг жарима майдони ичидан берган зарбасини Юсупов ушлаб олди.

• 20'
  

  Ғанихонов бошқа футболчиларга қараганда кўпроқ кўзга ташланмоқда. Бу сафар у офсайдда қолиб кетди.

• 17'
  

  Ғанихоновнинг хатосидан сўнг тўпни қабул қилиб олган Мираҳмадовнинг зарбасини Юсупов ушлаб олди.

• 15'
  

  Ҳужумда қоида бузган Коста Гуттинерга сариқ карточка кўрсатилди.

• 15'

  "Навбаҳор"нинг узоқ давом этган ҳужуми ноаниқ пас туфайли охирига етмай қолди.

• 14'

  Аҳмедовнинг жарима майдонига оширган тўпини ҳимоячилар қайтарди.

• 11'

  Ўйин марказда кечмоқда. Томонлар эҳтиёткорликни биринчи планга олиб чиқди.

• 9'

  Кичик назорат "қалдирғочлар" томонда бўлиб турибди.

• 7'
  

  Иброҳим Ғанихоновга тиббий ёрдам кўрсатилди.

• 5'

  Мираҳмадов қулай позициядан зарба бера олмади. Фурсат бой берилди.

• 3'

  Тошкентликлар тўп назоратини қўлга олишга ҳаракат қилмоқда.

• 1'
  

  Учрашув бошланди!