Тошкентда порлаган Нао Хибино Японияда финалга чиқди

Япониялик Нао Хибино ва руминиялик Михаэла Бузарнеску Япониянинг Хиросима шаҳрида ўтказилаётган мусобақанинг финал йўлланмаси учун кураш олиб борди.

Уч сет давом этган ўйинда Нао рақибига дастлабки сетда 4:6 ҳисобида таслим бўлди. Бу эса Хибинонинг жахлини чиқарди ва тезкор ўйин намоиш этиб 6:0, 6:3 ҳисобида зафар қучди.

Шу тариқа "Japan Women's Open" турнирининг навбатдаги босқичида Хибино россиялик Вероника Кудерметова ёки ҳамюрти Мисаки Дои билан куч синашадиган бўлди.

Фикрлар

Фикр қолдириш учун авторизациядан ўтинг!