"Tottenxem" futbolchisini 30 mln evroga sotdi

"Tottenxem" klubining hujumkor yarim himoyachisi Stiven Bergveyn faoliyatini o‘z vatanida davom ettiradigan bo‘ldi.

ESPN nashri tarqatgan xabarga ko‘ra, 24 yoshli niderlandiyalik futbolchi "Ayaks" bilan shartnoma imzolagan. Tomonlar o‘rtasidagi kelishuv 5 yilga tuzilgan.

O‘z navbatida Amsterdam klubi Bergveyn uchun “shporlar”ga 30 mln evro to‘laydigan bo‘ldi.

Stiven Bergveyna “Tottenxem”da o‘tkazgan uch mavsum davomida jami 83 ta o‘yinda maydonga tushdi va 8 ta gol urdi.