"Тоттенхэм" ўз етакчисидан айрилди

“Тоттенхэм” ҳужумчиси Харри Кейн жароҳат олиб сафдан чиқди.

Англиялик футболчи АПЛнинг 20-туридан ўрин олган “Ливерпуль”га (1:3) қарши ўйинда жароҳатланди ва танаффусда захирага олинди. Тасдиқланмаган хабарларга қараганда, Кейннинг тўпиғи шикастланган.

27 ёшли Кейн жорий мавсум “Тоттенхэм” сафида жами 29 та ўйинда иштирок этди ва ўз ҳисобига 19 та гол ҳамда 14 та голли узатма ёздириб қўйди. Унинг “шпорлар” билан амалдаги шартномаси 2024 йилга қадар имзоланган.