ЦСКА Файзуллаевни қўйиб юбориши керак!

“Спартак” жамоаси собиқ бош мураббийи Андрей Чернишов Россия нашрларидан бирига берган интеврьюсида Ўзбекистон миллий терма жамоаси етакчиси Аббосбек Файзуллаевга қишки трансферлар вақтида Европанинг кучли клубларидан таклиф бўлса, ЦСКА ўзбек футболчисини қўйиб юбори кераклигини таъкидлади.

— Файзуллаев Осиё кубогида ўзини кўрсатяпти, эҳтимол трансфер нархида ҳам сезиларли ўсиш бўлар. Бу футболчини трансфер қилган маъқулми ёки бу даражадаги ўйинчи ўзимизга ҳам керакми?

— Агар футболчининг нархи ўсаётгани бўлса, унга бошқа кучли клублардан қизиқиш билдирилса, бунақа таклифларни албатта кўриб чиқиш керак.

Барибир якуний қарорни клуб раҳбарияти қабул қилиши аниқ. Бунда клуб олдига қандай мақсадлар қўйилганидан келиб чиқиш, молиявий талаблар қандай бўлишига қаралади. Бироқ бу борада турли омиллар бор, баъзан рад этиб бўлмайдиган таклифлар ҳам келиб тушади. Агар бу жиддий вариант ва клуб ғазнасига даромад келтирадиган таклиф бўлса, уни амалга оширган маъқул.

— Файзуллаев тез орада Россия премьер-лигасининг чўққисига чиқиб, ўсишдан тўхтаб қолмайдими? Россия Премьер-лигаси энг кучли мусобақа эмаску...

— Ҳа, РПЛ энг кучли лига эмас, лекин ўйинчида ҳар доим ўсиш имконияти бўлади. Ўйинчи ҳам, клуб ҳам бу ҳолатни тўғри тушуниши керак. Энг муҳими, барча мақсадларга эришилган ва янги қадам ташлаш, янги чақирув керак бўлган вазиятни ҳис қилиш лозим.

Баъзан ўйинчилар бир клубда қолиб, ўша даражада ўйнашга рози бўлади. Уни бу ердаги барча нарса қониқтиради ва фаолиятининг якунигача бир жамоада тўп тепади.  Айрим футболчилар эса маълум бир нуқтага етганини инобатга олиб, бошқа чорловни қабул қилади, бир мамлакат ёки клубни алиштиришга интилади.

Бунга Дамир Кузяевни мисол қилиш мумкин. Уни ҳамма нарса қониқтиргандек эди. Яхши маош, бир неча бор мамлакат чемпиони бўлди, терма жамоа ўйинчисига айланди. Бирдан янгилик қилишни истаб қолди ва ҳамма нарсани ўзгартиришга қарор қилди.

Шунинг учун ҳам кўп нарса футболчига, яъни ўзини қандай ҳис қилаётганига, унинг ички талаблари қандай эканига боғлиқ бўлади.

Эслатиб ўтамиз, “Пахтакор” тарбияланувчиси бўлган Аббосбек Файзуллаев ўтган йилнинг август ойида ЦСКАга кўчиб ўтганидан бери энг кўп муҳокама қилинаётган футболчилардан бирига айланди.

Мавсумнинг биринчи қисмида “армиячилар” сафида жами 18 та учрашувда 2 та гол ва 9 та ассист қайд этган 20 ёшли легионеримиз Россия Премьер-лигасининг асосий кашфиёти сифатида эътироф этилди.

Айни пайтда Аббосбек Ўзбекистон миллий терма жамоаси сафида Қатардаги Осиё кубогида муваффақиятли иштирок этаётгани боис, ҳужумкор футболчимизнинг Европа кучли лигаларига кўчиб ўтиш имконияти яна кенг муҳокама қилина бошланди.

Айни пайтда Аббосбек Файзуллаев 4 миллион еврога баҳоланмоқда. Осиё кубогидаги кейин легионеримизнинг трансфер суммаси яна кўтарилиши кутиляпти.

Файзуллаев ЦСКАда узоқ қолмайди – Европага кетади!

Аниқ чорлов бор: Файзуллаевга Европага кетиш йўлини ўргатишди!

Марказий Осиёда Элдор Шомуродов даражасидаги футболчи йўқ!

Ирисметов Россия клубларига Ўзбекистон ва Тожикистондан ўйинчи танлаб берди