Турк клубининг Роналду борасидаги нияти жиддий

Португалиялик ҳужумчи Криштиану Роналду январ ойидаги трансфер ойнасида "Манчестер Юнайтед"ни тарк этиши мумкин. Футболчига Туркия чемпионатида даъвогар бор, деб хабар беради "Fotomac" нашри.

ОАВ хабарига кўра, 37 ёшли тўпурарга Истанбулнинг "Галатасарой" клуби қизиқиш билдирмоқда. Туркиянинг топ-клуби ўтган ёзда КриРога қизиқиш билдирганди, бироқ ўша пайтда келишувни якунлаб бўлмади. “Арслонлар” келаётган қишда яна бир уриниб кўрмоқчи.

Роналдунинг ўзи аввалроқ "Манчестер Юнайтед"дан кетиш нияти борлигини маълум қилганди, бироқ у ўзига мос клуб топа олмади. Бу мавсумда Криштиану “қизил иблислар”нинг захира футболчисига айланди. Унинг клуб билан шартномаси 2023 йилнинг ёзига қадар мўлжалланган.