Тухель "Бавария"га собиқ шогирдини олиб келмоқчи

"Барселона" футболчиси Усмон Дембеле ёзда "Бавария"га ўтиши мумкин. Унинг трансферини мюнхенликлар бош мураббийи Томас Тухель истамоқда, дея хабар тарқатди "Mundo Deportivo" нашри. 

Дембеленинг "Барса" билан амалдаги шартномаси 2024 йилда ўз ниҳоясига етади. Унинг товон пули 44 миллион евро бўлиши мумкин. Бу ҳақда Фабрицио Романо маълумот берганди. Франциялик вингер ажойи мавсум ўтказаётган бўлишига қарамай, жамоа молиявий ҳолатини яхшилаш учун битта футболчисидан айрилиши керак. Агарда немислар яхши таклиф билан чиқса, мазкур трансфер амалга ошиши мумкин. 

Усмонга Бундеслига бегона эмас. У 2016-2017 йиллар давомида "Боруссия"да Тухель қўл остида тўп тепган. 25 ёшли вингер собиқ жамоасига 140 миллион евро фойда келтирган.