Тухель "Челси"га супер юлдуз келишига қарши чиқмоқда!

"Манчестер Юнайтед" ҳужумчиси Криштиану Роналдунинг "Челси"га кутилаётган трансфери амалга ошмаслиги мумкин.

Журналист Фабрицио Романонинг ёзишича, Лондон клуби бош мураббийи Томас Тухель 37 ёшли португалиялик футболчининг сотиб олинишига қарши чиққан.

Роналдунинг агенти Жорже Мендеш "Челси" хўжайинларидан ҳисобланган Тодд Боели билан мижозининг трансфери борасида музокаралар олиб борди, аммо бу масала бўйича якуний қарор ҳар доим мураббийга боғлиқ ҳисобланади.

"Челси" энди бор эътиборини бошқа мақсадларга қаратмоқда. Тухель Роналдуни жамоада кўришни истамаяпти.

37 ёшли ҳужумчи ўтган мавсум "Манчестер Юнайтед" сафида барча турнирларда жами 39 ўйинда 24 та гол урди ва 3 та голли узатмани амалга оширди.