Тухель Обамеянгнинг асосий иши нима эканини уқтирди

“Челси” бош мураббийи Томас Тухель “Барселона”дан трансфер қилинган Пьер-Эмерик Обамеянг ҳақидаги фикрлари билан ўртоқлашди.

Германиялик мутахассис габонлик футболчига Дортмунднинг “Боруссия”сида ҳам устозлик қилган ва унинг имкониятларини жуда яхши билади.

- Обамеянг бизга нима беришини жуда яхши биламиз. У Англия премьер-лигасига қайтганидан бахтиёр. У жамоамизга голлар, сифатли ўйин, тезлик ва шу каби кўплаб сифатларни бериши керак, - деди Томас Тухель.

Обамеянг фаолияти давомида клублар миқёсида 607 та учрашувда майдонга тушиб, рақиблар дарвозасини 310 маротаба ишғол қилган ва жамоадошларига 92 та голли пас узатган.