U-17 ayollar terma jamoamiz halqaro musobaqa g‘olibiga aylandi!

O‘zbekiston U-17 ayollar terma jamoasi Mo‘g‘ulistondagi halqaro turnir doirasida Singapur terma jamoasiga qarshi bahs olib bordi. Unda vakilalarimiz yirik 5:0 hisobida g‘alaba qozondi. 

Hamyurtlarimiz safida gollarga Leyla Rustullaev (dubl), Leyla Oraniyozova, Mehribon Egamberdieva va Ruhshona Saydabbosova mualliflik qildi. Bu gollar jamoamizning mazkur turnirda g‘olib bo‘lishini ta’minladi. 

Avval o‘tkazilgan mezbon Mo‘g‘ulistonga qarshi bahs 8:1, Malayziya bilan kechgan o‘yin 2:0 hisobida yakunlangan edi.