У бунга Гвардиола сабаб рози бўлди

"Манчестер Сити" ярим ҳимоячиси Кевин де Брюйне “шаҳарликлар” билан янги шартнома имзолашга тайёр. Бу ҳақда CBS Sports хабар тарқатмоқда.

Юқоридаги манбага кўра, 29 ёшли бельгиялик футболчининг “Сити” билан тузиладиган янги келишув муддати 5 йилни ташкил этади. Унинг жамоада қолишига бош мураббий Хосеп Гвардиоланинг яқиндагина “Манчестер Сити” билан шартномасини узайтиргани асосий сабаб сифатида кўрсатилмоқда.

Де Брюйне “Манчестер Сити” сафида 2015 йилдан буён тўп суриб келмоқда. АПЛ гранди уни "Вольфсбург"дан 74 млн еврога сотиб олган эди.