У “Челси”дан кетмоқчи

Испаниянинг Sport нашри хабар беришича, “Челси” раҳбарияти “Атлетико”дан ижарага олинган Сауль Ньигесга мавсум якунланиши билан Мадридга қайтиш кераклиги ҳақида хабар берди.

“Аристократлар” мураббийлар штаби ишончини оқлай олмаган испан ярим ҳимоячисини сотиб олиш ҳуқуқидан фойдаланмайдиган бўлди. Аслида лондонликлар январь ойидаёқ Ньигесни ортга қайтармоқчи эди.

Лекин жамоада коронавирус билан оғриганлар кўпайиб кетгани боис Томас Тухель унинг кетишига йўл қўймади.

Келишувга кўра, “Челси” Саулни олиб қоладиган бўлса, испан клубига 40 миллион евро миқдорида бадал тўлаши белгиланган. Энди мавсум охирига қадар тажрибали футболчи қай даражада ўйин кўрсатса ҳам Лондонда қолдирилмайди.