У Роналдунинг зўрлигини тан олди!

“Челси” бош мураббийи Томас Тухель “Манчестер Юнайтед” ҳужумчиси Криштиану Роналдуни мақтади.

Яқинда португалиялик юлдуз “аристократлар” сафига қўшилиши  ҳақида хабарлар тарқатилганди. “Челси”нинг янги хўжайин Тодд Бёли Роналдуни клубига олиб келмоқчи бўлган, лекин Тухель бу трансферни блоклаганди.

- Роналду фантастик футболчи ва Англия премьер-лигасидаги рақибимиз ҳисобланган фантастик жамоа ўйинчисидир. Келинг, шу билан тўхтаймиз. Менга бошқа клублар бизнинг футболчиларни муҳокама қилиши ёқмайди. Ўз навбатида, биз ҳам бошқа жамоалар вакиллари ҳақида гапирмаймиз, - деди Томас Тухель.

Таъкидлаш жоизки, Криштиану Роналду келаси мавсумни қайси жамоа сафида бошлаши ҳамон мавҳум бўлиб турибди.