"Удинезе" вингери "Уотфорд" таркибини тўлдирди

"Уотфорд" "Удинезе"нинг 24 ёшли вингери Игнасио Пуссеттони харид қилди. Бу ҳақида клуб расмий сайти расман эълон қилди.

Томонлар ўртасидаги келишув 2024-йилнинг ёзигача амал қилади. Ушбу трансфер инглиз клуби учун 8 миллион еврога тушди.

Пуссетто 2018-йил июль ойида "Уракана" клубидан италияликлар таркибига қўшилган эди.

Жорий мавсумда футболчи "Удинезе" таркибида 14 ўйинда майдонга тушиб, битта гол киритишни уддалади.