Верратти номаълум муддатга сафдан чиқди

ПСЖ клуби ярим ҳимоячиси Марко Верратти Франция чемпионатининг 33-турида "Монако"га (3:1) қарши баҳсда жароҳат олди.

Lequipe нашри тарқатган хабарга кўра италиялик футболчининг чап товонида оғриқ пайдо бўлган. Бугун Верратти тиббий кўрикдан ўтказилади ва шундан сўнг унинг қачон сафга қайтиши маълум бўлади.

Маълумот учун, Верратти жорий мавсум ПСЖ сафида жами 34та ўйинда майдонга тушди ва ўз ҳисобига 1та гол ҳамда 3та голли узатма ёздириб қўйишга эришди.