Виталий Денисовнинг аҳволи қандай?

Кеча Россия чемпионати доирасида "Рубин" ўз уйида "Зенит" билан куч синашди ва меҳмонлар 2:1 ҳисобида ғалаба қозонишди.

Беллашувда ҳамюртимиз Виталий Денисов 78-дақиқада захирадан ўйинга қўшилди. Аммо учрашув якунлангач ҳимоячимизни шифохонага олиб кетишди. Чунки Денисов ўнг оёғидан жароҳат олганди. Бу ҳақда клуб матбуот хизмати хабар берди.

Унинг жароҳати қай даражада эканлиги ва соғайиши учун қанча вақт кетиши борасида ҳозирча маълумотлар йўқ. Ўйлаймизки, Денисовнинг жароҳати жиддий бўлиб чиқмайди.