Хаби Алонсо Мадридда иш бошламай туриб, “Реал”дан уч футболчини олишни талаб қилди

“Реал” раҳбарияти Карло Анчелоттидан кейин жамоа бошқарувини “Байер”га устозлик қилаётган Хаби Алонсога топшириши кутилмоқда.

Испаниялик мутахассис ҳам пойтахт жамоасига устозлик қилишга ҳозирдан тайёргарлик кўряпти. Манбаларнинг ёзишича, Алонсо “Қироллик клуби” билан ҳамкорлик муҳокамаси вақтида раҳбарият олдига аниқ таклифларини қўйган.

Бу мутахассис ўзи “Реал”да жорий қиладиган ўйин услуби талабларига мос келадиган марказий ҳимоячи, чап қанот ҳимоячиси ва ярим ҳимоячи кераклигини таъкидламоқда.

Хаби Алонсо “Қироллик клуби” мутасаддиларидан чап қанотга Мигель Густьерресни “Жирона”дан қайтаришни, марказий ярим ҳимояга “Реал Сосьедад” вакили Мартин Субимендини олиб келишни ва ҳимоя марказига Англиядан Дин Хёйсенни трансфер қилишни сўрагани айтилмоқда.