Хави 3 ойдан буён майдонга тушмаётган Дембелени Мадриддаги учрашувда ўйнатмоқчи

Франциялик ҳужумкор ярим ҳимоячи Усмон Дембеле 23 апрель куни "Атлетико"га қарши ўйинда майдонга тушиши мумкин.

Sky Sports нашри хабарига кўра, "Барселона" бош мураббийи Хави Дембелени Ла Лиганинг 30-тур учрашувида асосий таркибга киритиши кутилмоқда.

Эслатиб ўтамиз, франциялик футболчи жорий йилнинг 28 январь куни "Жирона"га қарши ўйинда сон суяги жароҳатлангани сабабли шу кунгача майдонга тушмади ва 13 та учрашувни ўтказиб юборди.

Жорий мавсумда Дембеле “Барса” сафида Ла Лигада жами 18 та ўйин ўтказиб, 5 та гол урди.