Хави Мессининг қайтиши ҳақида гапирди

"Барселона" бош мураббийи Хави ПСЖ ҳужумчиси Лионель Мессининг эҳтимолий қайтиши ҳақида фикр билдирди. 

"Ҳозир Мессининг қайтишини муҳокама қиладиган пайт эмас. Биз у билан тез-тез гаплашиб турамиз. Тез орада бу мавзуни ҳал қиламиз. Умид қиламанки, у "Барселона"га қайтади. Бу клуб унинг ҳаёти", - деди "кўк-анорранглилар" устози. 

Қайд этиш лозим, аргентиналик форвард айни вақтда парижликлар билан шартнома муддатини узайтириш ниятида эмас. Унинг ПСЖ билан ҳамкорлиги шу йилинг ёзида якунига етади.