Хави ПСЖ раҳбариятига Гвардиола номзодини таклиф қилди

"Манчестер Сити" клуби бош мураббийи Хосеп Гвардиола фаолиятини Франция чемпионатида давом эттириши мумкин. Бу ҳақда Le10Sport нашри хабар бермоқда.

Юқоридаги манбаага кўра ПСЖ раҳбаряти испаниялик мутахассисни жамоа бошқарувида кўришмоқчи. Уларга Гвардиола номзодини Қатарда фаолият олиб бораётган Хави маслаҳат берган.

Эслатиб ўтамиз, айни дамда ПСЖни Томас Тухель бошқармоқда. Унинг клуб билан амалдаги шартномаси 2021 йилга қадар имзоланган. Гвардиоланинг “Сити” билан шартномаси ҳам 2021 йилда ўз ниҳоясига етади.