Хўрланган Роналду ёхуд Криштиану "Олтин тўп" учун 0 овоз олди

Ҳафта бошида “Олтин тўп” “Реал” ҳужумчиси Карим Бенземага топширилди. “Манчестер Юнайтед” Криштиану Роналдуга келсак, у овоз беришда бор-йўғи 20-ўринни эгаллади. Маълум бўлишича, португалиялик умуман овоз олмаган 11 нафар футболчи рўйхатидан жой олган. Роналду фақат олдинги хизматлари учун 20-ўринни эгаллаган эди.

Эслатиб ўтамиз, "Олтин тўп"га даъвогарларнинг якуний рўйхатида 30 нафар футболчи бор эди. Хабарингиз бор, Лионель Месси бу рўйхатга киритилмади.

Криштиану Роналду қийин даврни бошдан кечирмоқда. "Олтин тўп" учун овоз беришда "хўрланган" ("Goal.com" Роналду учун овоз бериш натижаларини шундай таърифлайди) португалиялик футболчи яқинда захира ўриндиғидан ечиниш хонасига эрта йўл олгани учун "Манчестер Юнайтед"нинг асосий жамоасидан четлатилган эди.