Хорватия терма жамоаси бош мураббийи истефога чикарилди

Хорватия футбол иттифоқи (HNS) ўзининг расмий сайтида миллий жамоа бош мураббийи Златко Далич лавозимини тарк этаётганини маълум қилди. 59 ёшли мутахассис деярли тўққиз йил давом этган фаолиятини якунлади.

«Камтарона келган эдингиз. Аммо йўлингиз — унутилмас саёҳат бўлди. Энди эса фахр билан хайрлашмоқдамиз. Ҳаммаси учун раҳмат — ғалабалар, ютуқлар, саралаш босқичлари, медаллар, бирдамлик, ҳурмат ва майдонда ҳам, ундан ташқарида ҳам Хорватия учун курашишдаги қатъиятингиз учун. Натижалар сизнинг мураббий сифатидаги маҳоратингиздан дарак беради. Ўйинчилар, штаб аъзолари ва рақиблар томонидан қозонган ҳурматингиз эса қандай инсон эканингизни кўрсатади», — дейилади иттифоқ баёнотида.

Златко Далич Хорватия терма жамоасини 2017 йил октябрида қабул қилиб олган эди. Унинг қўл остида жамоа 2018 йилги жаҳон чемпионатида кумуш медал, 2022 йилги жаҳон чемпионатида бронза медал, 2023 йилги Миллатлар лигасида эса кумуш медални қўлга киритди. 2026 йилги жаҳон чемпионатида хорватлар 1/16 финалгача етиб бориб, ушбу босқичда Португалияга мағлуб бўлди.