Хуршид Ходжаев: "Ўйинимиз аста секин шаклланиб боряпти"

“Андижон” клуби Ўзбекистон Кубоги гуруҳ босқичидаги дастлабки турда сафарда “Янгиер”га қарши беллашувда ғалаба қозонганидан хабардорсиз.

Ушбу учрашувда асосий таркибда майдонга туширилган дарвозабон Хуршид Хўжаев ҳам айрим вазиятларда жамоани голлардан сақлаб қолди. Унинг ўйин борасида билдирган фикри қуйидагича:

- Ўйин қийин бўлди. Учрашув бироз иссиқ ҳароратда бошланди. Аммо иккала жамоа ҳам бир хил шароитда эди. Худо юзимизни ёруғ қилди.

Бу Кубок беллашуви бўлгани билан енгил ўйин бўлмади. Чемпионат ўйинидан асло кам ўтгани йўқ. Айниқса, сафардаги учрашувларда ҳали ўзимизнинг ўйинимизни йўлга қўйиб олмаганимизни тан олишимиз керак.

Лекин ўйинимиз аста-секин шаклланиб боряпти. Мураббийларнинг кўрсатмасига биноан стандартлардан унумли фойдаланиш мақсадларимиздан бири эди ва буни амалга оширдик.

“Андижон” матбуот хизмати.