Янги жамоада Месси ва Роналду бирга ўйнайди

“Барселона” ва Испания терма жамоаси ярим ҳимоячиси Педри ўзининг орзулар жамоасини тузиб чиқди. Истеъдодли футболчи ўз жамоасига фаолияти “Барселона” билан кесишган ўн нафар футболчини киритди. Бошқа клублар шарафини ҳимоя қилган ягона ўйинчи эса Криштиану Роналду бўлди.

- Орзулар жамоасини “Барселона” футболчиларидан тузсам бўладими? Дарвозада тер Штеген. Ўнг қанотда менинг кумирим ва дўстим Дани Алвес. Ҳимоя марказига Пике ва Эрик Гарсияни, чап томонга Жорди Альбани қўяман.

Ярим ҳимоя Бускетс, Роналдиньо ва Хавидан иборат бўлади. Ҳужумда Иньеста, Месси ва Роналду ўйнайди, - деди Педри.

19 ёшли Педри жорий мавсумда “барселона” сафида 18 та баҳсда қатнашиб, ўз ҳисобига учта гол ва битта ассист ёздириб қўйди.