Yanvarda kelgan hujumchi fevralda eng zo‘riga aylanib oldi

"Yuventus"ning serbiyalik hujumchisi Dushan Vlaxovich jamoaning fevral oyidagi eng yaxshi futbolchisi deb topildi. Bu haqda klub rasmiy sayti xabar tarqatmoqda.

22 yoshli futbolchi o‘tgan oy turinliklar safida 6 ta bahsda ishtirok etdi va o‘z hisobiga 4 ta gol yozdirib qo‘ydi.

Eslatib o‘tamiz, "Yuventus" Vlaxovichni joriy yilning yanvar oyida "Fiorentina"dan 82 million evroga sotib olgan edi.