Юрген Клопп: "Менимча, финалга лойиқмиз"

ЕЧЛ жорий мавсумининг биринчи финалчиси "Ливерпуль" "Вильярреал"га қарши жавоб учрашувидан сўнг мерсисайдликлар бош мураббийи Юрген Клопп ўз фикрларини билдириб ўтди.

"Ажойиб ўйин бўлди. Биз ўзимизга ўзимиз қийинлаштирдик, аммо ғалаба қозонишни уддаладик. Беллашув олдидан шундай бўлиши мумкинлигини билардик. 

Воқеалар ривожи сизнинг сценарийингиз бўйича кетмаса, вазиятга қандай реакция билдира олишингиз жуда муҳим. Ўтказиб юборилган тезкор гол бизнинг режаларимизни ўзгартириб юборди. Улар ўйинни анча яхши бошлаганди. 

Агар "Вильярреал" иккинчи таймда ҳам шундай ўйнашда давом этганида, финалга чиқиши мумкин эди. Аммо ҳал қилувчи беллашувга йўлланмани биз қўлга киритдик ва менимча, бунга лойиқмиз",-деди германиялик мутахассис.