"Yuventus" Dibalaga "Roma"dan o‘rinbosar topdi

"Yuventus" klubi "Roma"ning italiyalik futbolchisi Nikolo Dzanoloni o‘z safiga qo‘shib olmoqchi. Turinliklar uni yozda ketishi kutilayotgan Paulo Dibalaga o‘rinbosar, deb hisoblayapti.

Qayd etilishicha, vingerning "bo‘rilar" bilan shartnomasi 2024 yilda yakuniga etadi. Biroq u klub bilan bitimni uzaytirmoqchi emas.

Italiyalik iste’dod sohibiga "Tottenxem", "Milan", "Arsenal" va MYu kabi nomdor klublar qiziqish bildirmoqda.

Nikolo Dzaniolo joriy mavsum A Seriyaning 20 o‘yinida o‘z hisobiga 2 gol va 2 assist yozib qo‘ygan.