"Ренн" ярим ҳимоячиси Эдуардо Камавинга фаолиятини Италия А Сериясида давом эттириши мумкин.

Tuttosport нашри тарқатган хабарга қараганда 17 ёшли футболчига "Ювентус" жиддий қизиқиб қолган. Аммо туринликларни Камавинга учун курашда "Реал" ва ПСЖга қарши жиддий рақобат кутмоқда.

Эдуардо Камавинга “Ренн” тарбияланувчиси ҳисобланади. У шу кунгача асосий жамоада 49 та ўйинда майдонга тушди ва ўз ҳисобига 2 та гол ҳамда 3 та голли узатмага муаллифлик қилди. Унинг айни дамдаги трансфер нархи эса 37,5 млн еврога баҳоланмоқда.

Матнда хатолик топсангиз, ўша хатони белгилаб, бизга жўнатинг (Ctrl + Enter)