"Ювентус" яна мавсумни 12-ўринда якунлайдими?

“Ювентус” кеча Италия А Сериясининг навбатдаги турида сафарда “Верона” меҳмони бўлди 2:1 ҳисобида мағлуб бўлди.

Массимилиано Аллегри бошчилигидаги жамоа жорий мавсумнинг дастлабки 11 та турида бор йўғи 15 очко тўплади ва ўз дарвозасидан шунча гол ўтказиб юборди.

Opta статистик портали тарқатган хабарга қараганда, “кекса синьора” чемпионатнинг дастлабки 11 турида бу қадар кўп гол сўнгги марта бундан 60 йил муқаддам, яъни 1961/1962 йилги мавсумда ўтказиб юборган. Ўшанда “Юве” мавсумни 12-ўринда якунлаган эди.

Бундан аввалроқ, “Ювентус” бош мураббийи Массимилиано Аллегри ўз жамоасини айни дамда А Сериянинг ўртамиёна жамоаларидан бири сифатида айтган эди. Турин клуби мусобақа жадвалида 9-ўринни эгаллаб турибди.