“Ювентус”нинг қимматбаҳо ўйинчиси “Ferrari”да авария бўлди
“Барселона”дан Турин клубига 72 миллион евро эвазига кўчиб ўтган Артур Рамос маст холда йўл-транспорт ҳодисаси содир этди.
Авария тонгги соат тўртларда Испаниянинг Палафружель номли шаҳарчасида юз берди. Маст ҳолда тезликни оширган Артур “Ferrari” бошқарувини қўлдан чиқарди ва тўсиққа урилди. Машина йўлдан чиқиб кетиб, ёруғлик устунига тўқнашиб кетди.
Испания полицияси 23 ёшли футболчини тегишли текширувлардан ўтказиб, қонида алкоголь миқдори меъёридан ошиқ эканини ва айнан мастлик аварияга сабаб бўлганини аниқлади.
Футболчи ва унинг шериги аварияда шикастланмаган.
Фикрлар