Zarbaga dosh bermagan raqiblar uch bokschimizni finalga o‘tkazib yubordi
Qozog‘istonda boks bo‘yicha yoshlar o‘rtasida davom etayotgan nufuzli xalqaro turnirda yarim final uchrashuvlari yakunlandi.
Musobaqaning yarim finalidagi eng keskin va murosasiz bo‘llashuvlar og‘ir vaznli bokschilar o‘rtasida bo‘ldi.
Ayniqsa, o‘ta og‘ir vazn bokschilar bahsida o‘zbekistonlik Lazizbek Mullajonovning iqtidori va mahorati muxlisu mutaxassislar olqishiga sazovor bo‘ldi. Yarim finalda mezbonlar vakili Ernar Kanatboev bilan jang qilgan hamyurtimz raqibini birinchi raundning o‘zidayoq taslim qildi.
Lazizbek final uchrashuvida rossiyalik Dimitriy Kulikka qarshi ringga chiqadigan bo‘ldi.
91 kilogramm vazn toifasida ringga chiqayotgan Jamshidbek Muhammadaliev ham yarim final uchrashuvida mezbon bokschi Dosjon Ahmedovni ikkinchi raunddayoq mag‘lubiyatni tan olishga majbur qildi va finalda qirg‘izistonlik Ilyos Niyozov bilan jang qiladi.
Og‘irligi 81 kilogramm bo‘lgan bokschilar o‘rtasida Temur Ergashev qirg‘izistonlik Danislan Toktarbaevni katta ustunlik bilan engdi. hamyurtimiz so‘nggi jangda qozog‘istonlik Daulet Esenovga qarshi ringga ko‘tariladi.
Ishtirokini yarim finalda to‘xtatgan Zoirjon Jumanazarov va Asadbek Shodiev bronza medal bilan kifoyalandi.
Fikrlar