“Zenit” futbolchisi Fayzullaev haqida nimalar dedi?

  • 4 may, 2024, 09:10
  • Zohir Toshxo’jayev
  • 2
  • Futbol
TIGGO 2 PRO

Abbosbek Fayzullaev o‘tgan yozda “Paxtakor”dan TsSKA ko‘chib o‘tganidan keyin eng ko‘p muhokama qilinadigan futbolchilardan biriga aylandi.

Ayniqsa, 20 yoshli hujumkor futbolchimiz o‘z o‘yini bilan “armiyachilar” safida asosiy figuralardan biri darajasiga ko‘tarilganidan keyin Fayzullaev haqidagi fikr-mulohazalar yanada ko‘paydi.

Kuni kecha legionerimiz Rossiya kubogi finalida TsSKA va “Zenit” o‘rtasidagi dastlabki uchrashuvda ishtirok etdi. O‘zbekiston U-23 terma jamoasi tarkibida Osiyo kubogida qatnashib, vakillarimizning Parij Olimpiadasiga yo‘llanma olishiga katta hissa qo‘shgan Abbosbek Fayzullaev piterliklar bilan bo‘ladigan o‘yindan bir kun avval klub ixtiyoriga etib keldi.

Shu bois, bosh murabbiyi Vladimir Fedotov uni ikkinchi bo‘limda zaxiradan o‘yinga tushirdi.

Jurnalistlar 1:1 hisobi bilan yakunlangan bahsdan keyin “Zenit” yarim himoyachisi Ilzat Axmetovning raqib futbolchisi Abbosbek Fayzullaev bilan bo‘lgan suhbatiga e’tibor qaratib, piterliklar yarim himoyachisidan bu haqda so‘radi:

- O‘yindan keyin Abbosbek Fayzullaev bilan nima haqida suhbatlashdinglar?

- Men undan ishlari qanday ketayotgani haqida so‘radim.

- Siz Fayzullaevni top-futbolchi, deb bilasizmi?

- Ha, albatta.

Eslatib o‘tamiz, Ilzat Axmetov aslida “Rubin” tarbiyalanuvchisi hisoblanadi. U ham huddi Fayzullaev singari hujum chizig‘ining bir nechta nuqtasida o‘ynay oladi.

Faoliyati davomida to‘rt yil TsSKAda, keyin bir yarim mavsum “Krasnodar”da ham to‘p tepgan.

Ilzat 2024 yilning boshida  “Zenit” safiga ko‘chib o‘tdi. Rossiya terma jamoasida to‘qqizta o‘yin o‘tkazgan.

O‘zbek hujumchisi “Liverpul” nishonida. Rossiya klublari kurashga qo‘shildi!

Fayzullaev yangilik kutyapti!

Fayzullaevni kuzatayotgan mashhur klub kuchlilar safiga qaytdi!

Ular Parijda o‘zbek futbolchilariga muxlislik qiladi!

“Kalyari” Shomurodov bo‘yicha bir qarorga keldi. Eldorga boshqa takliflar ham bor!

O‘zbek futbolchilari qilgan ishni ko‘pchilik uddalay olmagan!

Fikrlar

Fikr qoldirish uchun avtorizatsiyadan o'ting!
&
Liverpool-Afzal
04/05/2024 21:26
Узбек кони борми шу болада
Bahrom Yunusov
05/05/2024 01:06
Qirg'iz