Зидан аввалги ва ҳозирги футболни солиштирди

Зинедин Зиданнинг фикрича, унга замонавий футболда тўп тепиш қийинроқ бўлади.

"Авваллари футбол ҳозиргидек эмасди. Кўп нарсага фақат техника орқали эришиш мумкин бўлган. Менимча, айни вақтда бу қийинроқ.

Бугунги футбол бошқача ва агар мен ҳозир ўйнаганимда, эҳтимол, менинг жисмоний ҳолатим талаб даражасида бўлмасди", - деди "Реал" собиқ мураббийи.

Сўнгги маълумотларга кўра, Зидан мураббийлик фаолиятини давом эттирмоқчи. Унга ПСЖ ҳамда Саудия клубларидан таклифлар бор.