Зўр ўйнасанг, зўр яшайсан! Холанднинг маоши маълум бўлди
“Манчестер Сити”даги голлари билан жамоанинг ғалабаларига ҳисса қўшиб келаётган Эрлинг Холанднинг қанча маош олиши маълум бўлди.
The Sun нашрининг таъкидлашича, норвегиялик юлдуз ҳафтасига 433 минг, йилига эса 22,5 миллион евро оляпти. Бу кўрсаткич бўйича Эрлинг жамоада иккинчи ўринда.
“Шаҳарликлар” энг кўп маошни бельгиялик плеймейкер Кевин ду Брюйнега тўлайди. 2021 йилнинг апрелида янгиланган шартномага кўра, тажрибали футболчи ҳар ҳафта 462 минг, ҳар мавсум эса 24 миллион евро ишлаб топмоқда.
22 ёшли Холанд янги жамоасига ўтганидан бери саккизта учрашувда қатнашиб, 12 та гол муаллифи бўлди.
Фикрлар