Bonuchchi: “Yuventus” EChL finaliga chiqishni maqsad qilgan

“Yuventus” klubi himoyachisi Leonardo Bonuchchi so‘zlariga ko‘ra, turinliklar bu mavsum EChL finaliga chiqishni maqsad qilgan.

“Keksa sinora” vakillari EChL guruh bosqichi 3-turida “Manchester Yunayted” bilan kuch sinashib, “Old Trafford”dan g‘alaba bilan qaytdi. 1:0.

– Bizning maqsadimiz, MYu bilan o‘yinda ustunlik qilish edi, – deydi Bonuchchi. – Biz buni uddaladik va yakunda zafar quchdik. Men va butun jamoa finalga chiqishni maqsad qilganmiz. Bu qiyin albatta, ammo bunga eta olamiz.

Eslatib o‘tamiz, “Yuventus” 9 ochko bilan “H” guruhida birinchi o‘rinda bormoqda.