“Chelsi” Azarning narxini e’lon qildi

Londonning “Chelsi” klubi jamoa yarim himoyachisi Eden Azarning transfer narxini e’lon qildi, deya xabar beradi The Sun nashri.

Manbada yozilishicha, London klubi belgiyalik futbolchini 226 million evrodan kamiga qo‘yib yubormoqchi emas.

Eslatib o‘tamiz, avvalroq Azar “Chelsi”ni tark etishni istayotganini bildirgan edi. Klub esa unga yangi shartnoma taklif qilib, jamoada olib qolishga harakat qilmoqda.