De Yong "Barselona"ga o‘tishga rozi bo‘ldi

Amsterdamning "Ayaks" klubi yarim himoyachisi Frenki de Yong faoliyatini "Barselona"da davom ettirishga rozilik bildirdi.

Sport.es internet nashri tarqatgan xabarga ko‘ra 21 yoshli gollandiyalik futbolchi Kataloniya super klubiga joriy yozgi transferlar davridayoq ko‘chib o‘tmoqchi. O‘z navbatida “Ayaks” de Yong uchun “Barsa”dan 50 mln evro talab qilmoqda, biroq “ko‘k-anor ranglilar” amsterdamliklarning ushbu istagini qanoatlantirmoqchi emas.