Grizmann faoliyatini qaerda yakunlamoqchi?

"Atletiko" Madrid klubi forvardi Antuan Grizmann faoliyatini MLSda yakunlash niyati borligini aytdi. U kelajakda Devid Bekxemning "Inter Mayami" klubida o‘ynamoqchi.

“Agar Bekxem meni “Mayami”ga taklif qilsa, men uni qabul qilaman. Ochig‘ini aytsam, futbolchilik faoliyatimni AQShda yakunlamoqchiman. Meni Mayami yoki Los-Anjeles takliflari qiziqtiradi. Chunki bular chiroyli shaharlar”, - deydi frantsiyalik futbolchi.

Eslatib o‘tamiz, “Inter Mayami” klubi MLSda 2020 yildan boshlab ishtirok etadi.