PSJ Filipe Luis uchun 5 million bermoqchi, "Atletiko" esa 4 barobar ko‘proq so‘ramoqda

"Atletiko" Madrid va PSJ klublari himoyachi Filipe Luisning transferi borasida kelishishdan ancha uzoqda.

Cadena SER tarqatgan xabarga ko‘ra parijliklar 33 yoshli braziliyalik futbolchi uchun 5 million evro taklif qilishmoqda, biroq “matraschilar” ular taklif qilayotgan mablag‘dan 4 barobar ko‘p, ya’ni 20 million evro so‘rashmoqda.

Ammo, Filipe Luisning bu boradagi xohishi vaziyatni o‘zgartirib yuborishi mumkin. U esa “Atletiko”da zaxira futbolchisi bo‘lishni istamayapti va rahbariyatdan o‘zini boshqa klubga qo‘yib yuborishni so‘ramoqda.